Dinastía Sueva do Reino de Gallaecia


Entre os anos 407 e 410 chegan á Gallaecia varios milleiros de xermanos da tribu sueva e asinan cun afeblecido Imperio Romano un tratado polo cal asumen o control político deste territorio. O primeiro rei suevo, Hermerico estableceu vencellos feudais cos xefes das diferentes trebas galaicas, converténdose no primeiro rei feudal da Europa Medieval, e o seu reino, o Galliciense Regnum, no primeiro Estado europeo da historia moderna.
O 15 de Febreiro 1669 a Cátedra de Lugo apresentou un documento á Xunta Xeral do Reino Galego no que afirma que "(...) de aquí tivo principio e orixinouse apagar o dragón verde e o león vermello (armas dos Reis Suevos que no seu tempo tiñan neste reino a sua corte) e trasladar ao dourado campo do escudo das duas armas, a Hostia, non dentro do copo sacramental oculta (...)". Este documento foi logo recollido en 1927 por Pérez Constanti no seu libro "Notas Viejas Galicianas".


Armas do Reino Galego


O Santo Graal, ou copón do sangue de Cristo, como armas do Reino Galego aparece documentado por primeira vez no Armorial Segar de Inglaterra, datado arredor do ano 1282. Neste armorial das principais casas reais europeas, as armas dos reis de Galyce aparecen como tres graales sobre un campo de tonalidade azul.
A Bandeira Galega

Historia da Bandeira Galega

A nosa bandeira galega moderna naceu durante o século XIX inspirada na bandeira da Comandancia Naval da Coruña.

Durante este periodo, milleiros de galegos emigraban todos os meses ás Américas para escapar da miseria na que se encontraba o noso país. O principal porto de saída de emigrantes era o da Coruña.

A tradición conta que os emigrantes asimilaron que a bandeira da comandancia naval da Coruña que ondeaba no porto e nos paquebotes transatlánticos era de feito a bandeira do país galego. Chegados ao novo continente, os emigrantes americanos comezaron a utilizar a bandeira naval da Coruña como bandeira galega. Anos máis tarde, a bandeira branca e azul cruzou o atlántico de volta e foi adoptada na nosa terra como a bandeira moderna galega.


http://www.bandeirasgalegas.tk/