Umha breve análise dos territorios galego fora da CAG:
Administraçom: 47 municípios
Comunidades actuais: Castela e Llion e Asturies
Superfície aproximada: 3.200 km²
Populaçom aproximada 60.000 hab.
A Galiza irredenta ou a Galiza estremeira é a denominaçom que recebem todos aqueles territórios de língua galega, que na actualidade se encontram fora das fronteiras da Comunidade Autónoma da Galiza, baixo a administraçom de Castela e Llion e Asturies, porém estes territórios formavam parte do antigo Reino da Galiza. Vinculados linguística, cultural e tradicionalmente a Galiza, existe neles, a reivindicaçom histórica de pertença à cultura galega e em alguns casos de ou reincorporaçom à própria Galiza.
A Galiza irredenta é um território em forma de franja, de aproximadamente 175 quilómetros de comprido e de 15 a 30 de largura, situada pelas terras mais ocidentais das actuais províncias de Llion e Zamora, na Comunidade autónoma de Castela e Llion, assim como as câmaras municipais mais ocidentais de Asturies, situados entre a ria de Ribadeu e o rio Frexulfe (próximo do rio Navia). Apesar das diferenças administrativas entre as diversas zonas desta comprida faixa, todas tenhem em comum umha língua e portanto em boa parte uma cultura que partilham ainda hoje com a Galiza autonómica.
Tradicionalmente vem-se dividindo ou agrupando estes territórios em três partes: Eo-Navia, Bierzo e Portelas / Seabra. Se bem, recentemente apareceu uma nova proposta de regionalizaçom destes territórios por parte de uma organizaçom política que divide estes territórios em cinco comarcas: Terra do Navia-Eo, Vale do Ibias, o Bierzo, a Cabreira e a Seabra.