Lo nom de lo païs que vol viure

Cançons de Claudi Martí. Podetz escotar les cançons ací:
http://www.claudemarti.com/disques/disques.html


Perqué m'an pas dit

Coma totis los mainatges
Som anat a l'escòla
Coma totis los mainatges
M'an après a legir
M'an cantat plan de cançons
M'aprenguèron tant d'istorias :
Lutèce... Paris... Paris...

Mas perqué, perqué
M'an pas dit à l'escóla
Lo nom de mon païs ?

Nos contava lo regent
Aquel grand rei de França
Acatat davant los paures
Un sant òme aquel sant Loïs
Aimava totas las gents
E voliá pas la misèra
Un sant òme aquel sant Loïs.

Mas perqué, perqué
M'an pas dit a l'escòla
Qu'avia tuat mon païs ?

E quand foguèrem mai grands
Nos calguèt parlar tres lengas
Per far un bon tecnician
Nos calia cargar tres lengas
E l'Anglès e l'Alemand
E ça que s'escriu a Roma
Per far un bon tecnician.

Mas perqué, perqué
M'an pas dit à l'escóla
La lenga de mon païs ?

Benlèu tantas coneissenças
Nos mascan la vertat
Aprendrem sols qu'en la terra
Regna pas la libertat
Sauprem la talent de l'lndia
E lo dòl dels Africans
E la mòrt de Guevarra.

Mas perqué, perqué
M'an pas dit a l'escòla
La lenga de nòstre païs ?

Lo païs que vol viure

Es lo ciprès quilhat
La Corbièra salada
Es lo vilatge mort
La tèrra abandonada.

Vos vau parlar d'un païs
Que vol viure
Vos vau parlar d'un païs
Que moris.

La tèrra la coneissètsz
Es la vòstra, amics
Es la teuna, vinhairon.

Tu me disiás ma maire:
« Ont vas viure mon filh ? »
Tu me disias ma maire:
« N'i a tant que son partits ! »
E Marcelin Albert
E la Comuna de Narbona
E los qu'an tuats los Crosats
E Marcelin Albert
E la Comuna de Narbona
Totis los qu'an cantat: Libertat !

Ma maire me rementi
Tot çò que disiás
Vòli cantar lo vent
Que parla en lenga d'òc
E Marcelin Albert
E la Comuna de Narbona
E los qu'an tuats los Crosats
E Marcelin Albert
E la Comuna de Narbona
Totis los qu'an cridat: Libertat !

Vos ai parlat d'un païs
Que vòl viure !

Montségur

Daissatz-me contar l'istòria
d'un sang begut per ma tèrra
Daissatz-me contar l'istòria
d'una volontat de fèrre
d'una joventut passada
d'una libertat volguda
del vielh sòmi despertat
d'una libertat perduda

Cinc cents èretz a Montsegur
sabent çò que viure vòl dire
Cinc cents èretz a Montsequr
Segur i sètz darrièr l'azur

Vaqui l'ora de los corbasses
per los camins de Montferrièr
Vaqui l'ora de los corbasses
grand flume, negre poiridièr
del Papa la grand armada
del Rei de França bandolièrs
de Dominica los porcasses
Amèn, amèn, Dies Irae !

Vaqui l'ora de la desfacha
L'idea brutla sul lenhièr
Aqui l'alba de la victòria
Menam vostra lucha avuèi :
Minoritats contra l'Empèri
Indians de totas las colors
descolonizarem la tèrra :
Montsegur, te dreiças pertot !

Ciutat de Carcassona

Entre Montanha Negra
La Corbièra e la mar
Som nascut i a plan mila ans.

Voli cantar coma canta lo vent
Voli cantar dins la lenga del Cèrç
Es un cant d'òmes liures
Un cant d'òmes valents
Era un cant d'òmes liures
Dins la lenga del Cerç.

E la vièlha ciutat
A de remembres fòls
E la vièlha ciutat
De quand sonava l'òc.

De quand podiá cantar coma canta lo vent
De quand podiá cantar dins la lenga del Cèrç
Era un cant d'òmes liures
Un cant d'òmes valents
Era un cant d'òmes liures
Dins la lenga del Cèrç.

Ciutat de Carcassona
Del Comte Trencavel
Ciutat de Carcassona
Tornaràn los aucèls.

Que cantaràn coma canta lo vent
Que cantaràn dins la lenga del Cèrç
Sera un cant d'òmes liures
Un cant d'òmes valents
Serà un cant d'omes liures
Dins 1a lenga del Cèrç.

Tu mon vilatge

E tu mon vilatge
De vinha, d'oliu e de mèl
Tu, mon vilatge,
Calor, torrade, infèrn...
Podètz cantar ciglas,
Es pas filh de la nuèit.
Sus nostra tèrra blanca
Es pas nascut de res.

E tu, mon vilatge
Sègle per sègle bastit,
De sang e de carn d'òmes
Sègles per sègles noirit.

Podetz cantar ciglas!
Nòstra plaça es aici.
Crida la tramontana,
Nos fara pas partir.

E dins mon vilatge
Quand la vinha va mal,
Dins mon vilatge,
Nos cal barrar l'ostal.

Podètz cantar cigalas!
Si lo vin va mal
Sus nòstra terra blanca
Marcelin tornarà.