Tema: <<Nosa idea de danza>>O COMEZO DUNHA NOVA POLÍTICA CULTURAL NA XUNTA DE GALICIA

A consellería de Cultura vén de destituír a directora do Ballet Rey de Viana. Levaba 55 anos na compañía e estaba exactamente nas antípodas ideolóxicas do BNG. Pero o curioso da historia é que a botan «porque non responde á idea que ten da danza o novo Goberno».

Ábrese así diante da Xunta unha tarefa apaixonante. Unha vez que quede lexislado a que velocidade hai que bailar a muiñeira, teremos aínda moito que facer: ¿Cal é o xeito correcto de representar a Shakespeare?, ¿pode seguir aparecendo en escena un personaxe como Otelo? A conselleira debe frear tanto seixismo noxento. Fóra Shakespeare: Sarabela para todos. ¿É o impresionismo gabacho unha maneira axeitada de achegarse á realidade galega? Non: mellor Laxeiro. ¿Responde Kubrick á nosa idea de cine?, ¿non é mellor un remake de Sempre Xonxa ? ¿Haberá novelas adecuadas e inadecuadas (como pasa xa nos programas de galego dos institutos, onde fan caixa os autores «recomendados»? Falen en serio. Salven o galego, que está moi, moi ferido. E despois, xa bailaremos...

Unha nova Konsellaria de Kultura?


O BNG é o sidecar do governo galego biplaza e, alén doutras cousas, tamén é o rexedor da Konsellaria de Kultura. A Kultura do Bloke sempre andivo a meio camino entre o folclorismo choromica-manipulador e o batasunismo moderado.

O Balet Rey de Viana sempre foi aldraxado como "franquista" polos enxeñeiros culturais do Blokerismo. As Bandas de Gaitas que homeaxaban a Fraga como nun filme da Leni Riefensthal eran "escocesas" e pouco "tradicional". Asi e todo, músicos consagrados como os Milladoiro e Carlos Núñez están xa moi por riba de Fraguismos e Blokerismos e os hippies, celtistas e pseudopuristas da músika filoblokeira nunca lograron repetir nen de lonxe o éxito popular de unha Roda, de uns Tamara ou de un Fuxan os Ventos –sendo este último o único producto cultural de calidade saido do blokerismo dos anos setenta e moito.

Porntanto, cumpre facermos a pregunta de qué kultura é a que ven de mao da Konsellaria Blokultural, con que nos van vir estes enxeñeiros de nacións castradiñas e aldraxadiñas. Visto está que o folclorismo pepeiro só vale cando hai xefes nacionalistas á frente das bandas de gaitas e dos coros e danzas. Optarán os enxeñeiros socionacionais por un folclorismo pepeiro descafeinado e baixo xefes propios, ou pola contra parirán un folclore esquerdo-nacionalista de seu, progre e anti-español, merengado de talante e postmodernismo multikultural?

Polo de agora, o nomeamento do barón ferrazista Torito como presidente da Ksunta foi o primeiro sen gaitas en moitos, moitos anos –mostra do conceito difuso de unha política cultural bipartita condenada a se definir na interacción do particularismo neurótico e o progresismo masónico.

Tamen temos que nos manter á espreita no caso da TVG. Volveremos á televisión de Laxe e ao "Galicia sitio distinto" do pro-etarra Antón Reixa”? Ou imporá a Rua Ferraz unha receita mais actual e chea de talante, algo asi unha versión telegalega da SER e El Pais? Mágoa que Haro Tecglen vai de camiño do asador, senon ainda estaba a tempo de ser nomeado Director Xeral da TvG, TalanteVisual Galego.

O argumento tradicional dos Blokeiros para explicar as suas cuadas eleitorais sempre foi o choromiqueo sobre o control mediático dos meios por parte de Fraga. Vamos ver o que fan agora eles, polo meno en tanto que os seus sócios socialistos, expertos en manipulación mediática, non separen o sidecar da "amoto".