Búsqueda avanzada de temas en el foro

Resultados 1 al 3 de 3

Tema: El Neolíticu na Peninsula Ibérica

  1. #1
    Johannes de León está desconectado Miembro graduado
    Fecha de ingreso
    04 mar, 05
    Ubicación
    Terra Benedicta
    Mensajes
    21
    Post Thanks / Like

    El Neolíticu na Peninsula Ibérica

    Neolítico Antiguu na Peninsula

    Solidez del orixe mediterraniu

    El Neolíticu penínsular ye visto dende un entamu cómo un fenómenu cultural importáu.

    L. Siret, inxeneru belga, interesose por esti fenómenu cultural demientres el sieglu XIX. Escavo yacimientos n'Andalucía y observó multiples analoxíes ente esti Neolíticu y el del Mediterrániu oriental. Para Siret estes semeyances yeren la preba de la llegada de pequenos grupos humanos que trixeron una nuea cultura.

    Nos años 40-50 punxose de moda la idega d'un orixe Norteafricanu pal neolíticu peninsular. Autores como Bosch-Gimpera y Santolaya sofitarán esta teoría basándose nel parecíu ente les cerámiques neolítiques de ambos territorios. Llegó a falase de Neolíticu Hispanu-Mauritanu.

    Nos años 50, escávase n´ Italia la cueva de Arene Candile. La so importancia reside nel fechu de que la so estratigrafía ye inusualmente completa y va dende'l Paleolíticu Superior fasta la Edá de Fierru. Los niveles neolíticos paren del V mileniu y tan claramente asitiaos per enriba los estratos Mesolíticos. Ente estos periodos habría una ruptura nidia. Sigún Bernabo Brea ,direutor de la escavación, lo que determinó el cambiu foi la cerámica, apaecen ellementos nueos y surdirán nueves industries tanto llítiques como osies; alcuentrénse cola repentina apaición de los creales y de los animales domésticos.

    Bernabo Brea va estudiar la arqueoloxía mediterranea pa alcontrar l'orixe d'estos cambios aceutando la difusión del Neolíticu al traviés de la cuenca mediterranea. Llegará a esta conclusión gracies al afayamientu d'un ellementu común en tou el territoriu, la ceramica cardial.

    Neolíticos cardiales na peninsula

    En Valencia alcontramosyacimientos mesolíticos (Cueva Cocina) contemporaneos d'otros Neolíticos (Cueva de L'Or).

    Neolíticu Valencianu

    Neolíticu I

    La fase antigua "Neolíticu I" divídese en tres periodos:

    I A

    Dende el VI mileniu fasta vien avanzáu el V mileniu. Preséntanos una cerámica madura. N'última estancia lo que nos tresmite esta cerámica ya la esistencia d'un mundu ya maduru que nun cuaya nel propiu territoriu sinon que ye una aportación foriata, que llega fasta'l Llevante Ibéricu y s'istala nél. La presiencia de recipientes d'almacenax, como forma de sobrevivencia, muéstranos el factor Neolíticu de la sedentarización.

    Ye destacable les semeyances esistentes ente la produción cerámica del Levante y les produciones neolítiques del Adriáticu.


    • Industria Llítica Teunoloxía llaminar, xeométricos ensin gran diversidá tipolóxica: Fueyes y fueyines retocaes, taladros y ausencia de buriles. La razón d'esta falta de diversidá hai que buscala na nuea ocupación de los artesanos que nun ye otra que la cerámica faza la que dirixen los so esfuerzos creatívos.
    Apaecen hachos de piedra pulimentao feches sobre materiales resistentes y de bona calidá con una duple utilidá: la material y la comercial(como definidor de status social). Va apaecer l'arquiteutura y l'istrumental evolucionará faza'l barroquismu y dalgunes figures esquematiques.

    I B

    Dende'l 4200 a.C al 3700 a.C. Redución de la cerámica cardial; vasos con impresiones; decoración incisaa o a peine qu'algama'l territoriu andaluz.

    I C

    Neolíticu evolucionáu del 3700 al 3400 a.C. Esti episodiu supón el freñimientu col Neolíticu Antiguu Valencianu.

    Neolíticu II

    De 3400 a 2500 a.C.. Vése una evolución de la cerámica asemeyada a laque se dá nel sur de Francia (Cerámica Chassense).

    La superficie de los vasos trabáyase con mayor esmeru apaeciendo relieves y planos diferenciaos. Hai cambios nos diseños y les formes d'ornamentación. Xeneralízase l'usu'l punzón y la metalurxa fae actu de presencia pero de forma marxinal.

    La comparanza d'esti momentu col anterior permitenos ver les diferencies fonderes, nel Neolíticu II sobreabunden les cerámiques llises y los nueos tipos de diseñu. Va apaecer el platu (ta xuníu a la idega de mesa) nueu conceutu de recipiente, tamién van apaecer escudilles, vasos carenados que nos falen de episodios tardíos del neolíticu, imitaciones de vasos similares fechos en metal. Van pervivir los xeométricos y van apaecer les puntes de flecha, fundamentalmente foliformes, tallaes con retoque planu. La modernización nes téuniques de talla y retoque van permitir a les puntes un vuelu más llográu gracies al so perfil más aerodinámicu.

    Les puntes utilícense como fosiles guiía nel pasu del Neolíticu a periodos culturalmente más avanzaos como l' Eneolíticu, tamién illustren el cambiu nes formes de pensamientu y el desendolcu de les idegues estetiques.

    Estes nueves téuniques de fabicación busquen per un llau, aumentar la efectividá de les puntes (carga mortal), y per otru, pretenden crear un utensiliu que tresmita una sensación de guapura.

    Hasta fai pocu tiempu asociavase equivocadamente a estos neolíticos cola vida troglodita, pensábase que la so esistencia yera plenamente cavernaria. Güei sábese que nun yera asina, demientres los años 80 y 90 l' arqueoloxía sacó a la lluz poblaos al aire llibre con estructures y actividaes propies de comunidaes campesines.

    Esti tipu d'habitat ye común dende'l Neolíticu cardial intensificandose a lo llargo'l Neolíticu II. Mientres esti periodu medren en tamañu y establecense en terraces fluviales o fasteres pantanoses lo que complica la so llocalización. Les estructures que los delaten al esterior son sutiles y dificiles de detectar: Silos y fosos enterraos nel suelu y disimulaos ppola aición del tiempu.

    Demientres esti periodu entamen a apaecer grandes habitats en distines fasteres del Levante. Nel Valle d'Alcoy llocalizaronse fasta un total de 14 poblaos (nun toos esistieron a la vegada) númberu desmesuráu pa la dómina.

    Neolíticu Catalán

    • Los primeros testimonios neolíticos (Neolíticu cardial) en Cataluña descubrieronse nel sector costeru, nel Macizu de Montserrat, ye por ello que la cerámica cardial se-y llama Montserratina nesti territoriu. De los yacimientos destaquen: Cova Freda y Cova Grau. Tiense costancia de la esistencia de poblaos como'l de Guixeres y Can Banus situaos cronolóxicamnete alrodiu'l V mileniu. El Neolíticu pasará rápidamente faza tierres del interior utilizando como exa de comunicaciones el velle del Ríu Segre.

    • El segundu episodiu del Neolíticu Catalán recibe el nome de Epicardial y carauterizase más que pola aparición de cambios bruscos, pola xeneralización de les formes de vida neolítica. Yacimientos más importantes: Cova del Toll y Cova del Frare.
    Nes cerámiques apaecen dixebraos tipos de decoración aumentando el catálogu de yacimientos conocíos, en Girona aparecen por primer vagada prebes de vida neolítica en L'abreda y Reclau Viver.

    A munches cueves dase-yos una utilidá funeraria. Na Cova de les lladres alcontráronse dellos enterramientos, nos axuares destaquen los vasos circulares con incisiones y les cuentes de collar feches con una roca verdi nomada variscita o calaita.

    • El tercer periodu del Neolíticu Catalán ye una fase llocal que recibe el nome de Montbolo, el mesmu términu que s'usa en Francia. Les cerámiques tienden a cierta sobriedá na decoración y apaecen los primeros vasos carenados. Esti momentu carauterizase pola xewneralizacion de los habitats esteriores y pola estructuración sistemática tantu de los poblaos como de les cavernes.
    Nun contestu prósimu al postcardial en Cataluña alcontramos una serie de yacimientos na fastera d'Amposta. Ehí, nel Baxu Ebru apaecen inhumaciones individuales en foses ovalaes cubiertes por lloses y pequeños túmulos.

    Cultura de los sepulcros de fosa catalanes

    Esta cultura desendólcase en Cataluña dende 4300 fasta 3100 a.C aprosimadamente.Ocupa territorios baxos y fertiles.

    Carauterizase pola criación de grandes complexos de tumbes, foses escavaes nel suelu con inhumaciones individuales o duples, algunes d'elles probatiblemete pdien ser visibles dende l'esterios gracies a unes esteles de piedra como l'alcontrada en Els Vallas de Tarragona.

    Los axuares destaquen pola so riqueza, nellos alcontramos cerámiques llises, xeométriques, semicirculares o carenaes y vasos de boca cuadrda; Fueyes, llámines y nucleos de silex de gran calidá; Ellementos ornamentales como conches de moluscos, brazaletes de pectúnculo y cuentes feches nuna rocaverdi nomada calaita.

    Neolíticu Andaluz

    Un rasgu particular y distintivu del Neolíticu andaluz ye l'aplicación nes cerámiques del englobe d'Almagra.

    • El neolíticu cardial o antiguu entama nel VI mileniu. De entre toos los yacimientos investigaos destaca Carigüela del Piñar, ente los niveles XVI y XIV de la so estratigrafía apaecen cereales carbinizaos y restos d' oveyes y cabres (forma más antigua de cabaña ganader neolítica), tamién apaecen restos d'hogares.

    • Ente'l V y IV mileniu entama la 2ª fase del Neolíticu qu'alcanza los territorios del interior. Les cueves son abandonaes de forma progresiva polo que ya nun ye correutonomar esti periodu col términu "Cultura de les cueves".
    Nel nivel XIII de la "Cueva de los Murciélagos" vese el cambiu na decoración de les cerámiques siendo esti momentu de apoxéu de la Cerámica d'Almagra

    Nesto momentos ya se tien costancia de la esistencia de poblaos como el de "Los Castillejos" o "La Peña de los Gitanos".

    Poblaos Neolíticos

    Agricultura

    Ente'l 8.000 y 6.000 a.C va dase un cambiu na vexetación de la peninsula con una medra de la soperficie total ocupao poles viesques caducifolies ( carbayos ya especies asemeyaes). La llegada'l Neolíticu supón l'apaición de la agricultura y una mayar incidencia de l'actividá humana sobre'l paisax.

    A final del Neolíticu Cardial (6500 - 6000 a.C) l'antropización del ecosistema ye una rialidá y asina se reflexa nos analís polínicos.

    Anguañu aceutase que l'agricultura llegó a Europa del esterior, apaez nel VI mileniu a.C en poblaos al aire llibre y ocupaciones costeres.

    En Valencia y Andalucia apaecen abondos testimonios de l'actividá agrícola Nelítica.

    • Cova D'Lor (Valencia): VI mileniu, Neolíticu Cardial Típicu Antiguu- Apaecen indicios d'activaidá agricola con cinco especies distintes de cerales domésticos: Trigu, Cebada desnuda y cebada vestida, Escaña y Escanda menor.
    Los cereales son sometíos a un procesu de tueste enantes de ser almacenaos. El que se conserven los granos llimpios y ensin restos d'espigues supón la esistencia d'un procesu eficaz de trilláu.

    • Cova de la Sarsa (Valencia): Trigu desnudu y escanda menor que soporta bien les xelaes y los cambios bruscos de temperatura.

    • Les Cendres (Valencia): Lenteyes,arbeyos, fabes , Escaña , Escanda , Trigu, Cebada, Bellotes , semilles d' Acebuche

    • Cueva de Muríélagos de Zuberos (Córdoba): Escanda, Trigu y Cebada desnuda.
    Ganaderia

    Pa dalgunes comunidaes la Ganadería nun sedría más que la posesión d'animales en cautividá como reserva de proteines , prevención pa los años de males coseches.

    En Cova D'Lor xunto a los cereales citaos nel separtáu anterior tamién apaecieron restos de cuatru especies d' animales domésticos ensin incluír al perru: Del Gochu aprovéchase la carne y la pelleya, del Güe la fuercia de trabayu, pero d'ente los animales qu'integren la cabana ganadera neolítica destaquen la Cabra y la Oveya. Estes dos especies son pocu esixentes no tocantenes a alimentación y les sos condiciones de vida. producen gran cantida d'abonu y carne.

    Nos primeros momentos del Neolíticu los rebaños sedrien pequenños, pasu ente pasu determinaes especies, como los Bóvidos, medrarán n'importancia y presencia dientru la cabaña ganadera.

    Esisten dos modalidaes de ganadería:

    • Treshumancia
    • Granxes
    Cuando esta actividá se consolide empincipiarán a utilizase los productos secundarios como la lleche y el pelleyu.

    En Cueva de Murciélagos de Zuberos alcontráronse restos de cabres y oveyes, los animales que meyor soportaríen les dures condiciones del entornu.

    Organización Social

    La apaición y desendolcu de l' Agricultura y la Ganadería, les teúniques alfareres y l'Arquiteutura tendrán como consecuencia cabera la apaición de poblaos.

    Dientru de l'aldea entama la división del trabayu; ye'l llugar d'alcuentru y aprendizax; ye lel cientru de supervivencia social ofreciendo proteición ente el pillaxe d'animales potencialmente peligrosos como el Osu o simplemente permitiendo a los llugareños refuxase ente les sos muralles ente un pelligru militar.

    Dientro los poblaos cristalixcen nueves estructures sociales, y dende ellos organizarase y controlarase el territoriu.

    Los vieyos van ser los encargaos de tresmitir el conocimientu y les tradiciones del grupu a les nueves xeneraciones. Estes cultures tradicionales viven nun entenru presente, nun tienen cronoloxia y de medios pa tresmitir la so hestoria notru formatu que nun seya el míticu.

    Esisten sectores sociales difesencia. Son los linaxes. Nos poblaos mas arcaicos les nueves formes d'organización social tan presentes pero namái de forma embrionaria. A finales del Neolíticu pudo dase una evolución faza una estructura social más complexa como la Sociedá de Xefatures

    Llocalización Poblaos neolíticos

    El desendolcu de l'arquiteutura neolítica ye contemporániu a la utilizació de les teuniques d' aráu y la fuercia de tración animal, el crecimientu demográficu siguiente traerá l'entamu la civilización.

    Nel casu la Península Ibérica la riqueza informativa ye llimitada. Les causes hai que guetales nes especiales carauterístiqus de clima y orografía, el paisax ye abrptu y sofre de continuo l'aición erosiva de los procesos físicos y metereolóxicos que destruyen les poques prebes esistentes d'emplazamientos neolíticos.

    Levante

    Pesie a les dificultaes l'Arquoloxía sacó a la lluz importantes testimonios:

    • Pobláu de La Draga creca de Bañolas.
    La fastera ionde s'asitia destaca pola fertilidá de los suelos que permiten desendolcar una economía d'amplio espectru y cierta sedentarización. La so estensión pudo algamar los 3000 metros cuadraos con habitat dispersu. La os economía basábase na agricultura cerealística cientrándose na produción de trigu. El cúltivu de lleguminoses pudo completar la produción ya impedir l'agotamientu permaturu de los suelos. A esto hai que suma-y una esplotación ganadera intelixente qu'utiliza rastroxos y aprovecha l'abonu pa ameyorar les coseches

    Con too ello, hai un seutor agropecuariu con una configuración que va pervivir prauticamente ensin modificaciones fasta'l sieglu XIV.

    • Pobláu de Plansollosa
    Esti pobláu ufre un esquema d'asentamienu diferente situáu nun promontoriu sobre una terraza fluvial. Los suelos de la rodiada son calcáreos, idoneos pa una agricultura primaria que se ve perfavorecía pol indíz de pluvimétricu. El Ríu Llierca coneuta les tierres baxes y les más ellevaes. En definitiva, ocupa un llugar privilexáu dende tolos puntos de vista incluyíu l'estratéxicu.

    Nes inmediaciones del pobláu alcuentrase la Cova 120 utilizada como almacen d'alimentos. Elli escaváronse unos fosos y se colocaron grandes vasos cerámicos destinaos a contener la reserva de granu, como ellementu adicional de defensa la entrada a la grta tapiose.

    • Los poblaos presenten una duple muerganización:
    El campamentu base con unos 5 Km de diametru, al so alrodiu l'espaciu dedicáu a l'agricultura y la ganaderia. Les cavernes sedrán utilizaes d'almacén, habitat temporal o como ámbitu sepulcral.

    Nel restu la Península Ibérica los poblaos entamarán a ser habitat mayoritariu de magar el 4000 a.C, estendiendose per Andalucia y llegando fasta Portugal

    Tierres del interior

    El Neolíticu Antiguu va penetrar a nel interior peninsular siguiendo el cursu del Ríu Ebru con dos trayeutories d'espansión nidiamente definies:

    • Al Norte del Ebru

    • Al sur del Ebru
    Neolíticu portugués

    El Neolíticu va establecese con rapidez en territoriu portugues .Les sociedaes mesolítiques Que vivien na cuenca del Rio Tajo y del Sado van ser testigos de los fonderos cambios que van asoceder nel territoriu.

    En 1873 Ribeiro va descubrir en Muge grandes depósitos formaos pola acumulación masiva de conches de moluscos consumies poles comunidaes mesolítiques de la zona. Los descubrimientos nun se llimitaron desclusivamente a los concheros, tamién apaicieron restos d'actividá perquera (restos oseos de pexes) y d'actividá cinexética ( (ciervos, gochos xabaces, páxaros, caballos y uros)

    En [1880]] cellebróse en [[Lisboa] el "II Congesu Internacional de Ciencies Paleontolóxiques y Prehistoriques" onde los científicos se dieron cuenta de la braera magnitú de los concheros: trátabase d'una rialidá qu'afeutaba a toa Europa estendiendose dende Portugal fasta Dinamarca. Los depósitos formariense demientres l'Holocenu frutu de les actividaes de marisquéu de les comunidaes epipaleolítiques y mesolítiques.

    Los yacimientos más importantes fasta el IV mileniu son:

    • Moita do Sebastiao
    • Cabeça daArruola
    • Cabeça de Amoreira
    • Arapouco
    • Cabeça do Pez
    Nellos costatase la presencia d'industries microllitiques xeométriques (tringulos, trapecios,..)

    Nun primer momentu trunfaron les tesis difusionistes que pretendien desplicar les particularidaes d'estos yacimientos atendiendo a más que probatible influxu Norteafricanu de les sos industries. De los defensores d'estes hípotesis destaquen Obermaier y Bosch-Gimpera. El plantegamientu difusionista suponía que les industries norteafricanes (carpienses) llegaren fasta Portugal altraviés del Estrechu de Xibraltar.

    Con posterioridá investigadores de la talla de Breuil opusieronse dafechu a les posiciones difusionistes. Pa esti Prehistoriador francés les especiales característiques de les industries alcontraes en territoriu portugues podíen desplicase dientru de la dinámica cultural de la Península Ibérica.

    Nos años 70 otru francés , Roche, va continuar la llabor entamda por Breuil estudiando en detalle los yacimientos de Moita do Sebastiao (portugués) y Taforalt (Costa de Marruecos) la comparación sirvió pa demostrar que ambos yacimientos correspuendense con tradiciones culturales distintes. El fechu que frañe dafechu cualesquier posibilidá de parentescu cultural ente les dos rexones ye la plena confirmación de que'l Capsiense nun ye un fenómenu costeru polo que na práutica resultaría improbable que llegare fasta la península.

    desendolcu

    • Episodiu I
    Los principales yacimientos alcuéntrense na fastera que va dende Figueira da Foz fasta Punta de Sagres. nella apaecen cerámiques de tipu cardial. La mayor parte de los habitats neolíticos yeren al aire llibre como Santarem, Forno da Cai y Junqueira pero tamién se dan casos d'ocupaciones cavernaries. Los proyagonístes d'esti primer momentu Neolíticu paecen tar ente los grupos mesolíticos y les formes de vida plenamente agropecuaries ocupando les rexones meyor preparaes pa la Agricultura. Esiste una realidá de contigüedá cultural costatada arqueolóxicamente.

    • Episodiu II
    El yacimientu más importante ye'l de Furninha, nel que apaecen restos de Cerámica impresa non cardial y cerámica encisa.

    Nel aria de Sines alcontráronse los poblaos de Vale do Pincel, Vale do Vistao y Salema que tienen como rasgu común la ocupación de puntos estratéxicos pero que nun permiten una recostrución ñatural de la vida rural neolítica, anque si nos dan lleves indoicios acerca de los sos moos de vida que los situarien nun periodu de pasu faza la plena adopción de les formes económiques agro-pastoriles.

    Recientes investigaciones na Gruta de Caldeirao sacaron a la lluz entierramientos Neolíticos fechaos (pol C 14) nel VI mileniu a. C 5348-5231 cal B.C. estos entierramientos sedríen la preba más antigua, alcontrada fasta anguañu, d'ocupación Neolítica del territoriu portugués. Na mesma caverna hai un segundu episodiu que podría calificase como Epicardial del V mileniu y un tercer episodiu que se situaría nel primer terciu del IV mileniu.

    Neolíticu cantábricu

    Nel Cantábricu nun van apaecer los fenómenos descritos na zona de Levante [[Portugal o Andalucía. La tradición paleolítica va perdurar munchu tiempu dempués de que'l Neolíticu trufare nel restu la Península Ibérica. La presencia neolítica nun ye una rialidá fasta fines del V mileniu, de magar esti momentu entamen a apaicer ciertes formes arquiteutóniques, como los túmulos, asociaes a nueves práctiques funeraries atribuyibles a los primeros grupos de ganaderos y agricultores `'espansión fasta la franxa del noroeste peninsular.

    La tradición cultural anterior ye:

    • L' Aziliense.
    • L'Asturiense.
    El Neolíticu namái pudo penetrar nel territoriu cantábricu
    al traviés de dos rutes:
    Dende'l sudeste francés.
    Al traviés de la meseta dende'l sur y Levante.
    Pol sur de la Cordillera Cantábrica enllaza cola llanura alavesa. N'esta zona alcontráronse dos yacimientos de destacada importancia: Peña Larga y Kampanoste Goika.

    La presencia Neolítica na franxa cantábrica nun ye anterior al V mileniu lo que nun quier decir que de magar esa fecha s'impunxere rápicdamente a les tradiciones culturales yá establecies nel territoriu.

    Fenómenos artísticos

    L'analís de la evolución nes formes artístiques avéranos a la compresión de los cambios mentales que tovieron llugar cola llegada de les primeres comunidaes neolítiques.

    Arte Macroesquemáticu

    Fasta va 20 años los datos que se tenien p'analizar l'arte Neolíticu yeren escasos. El panorama camuda dafechu tres el descubrimientu en Concentaina (Alicante) de les primeres manifestaciones artístiques neolítiques, figures antropomorfes pintaes en colorao y signos astractos que pasaran a calificase como Arte Macroesquemáticu.

  2. #2
    Avatar de Anxo Castelo
    Anxo Castelo está desconectado Miembro graduado
    Fecha de ingreso
    04 mar, 05
    Ubicación
    Pobra do Brollón, Lugo
    Edad
    40
    Mensajes
    15
    Post Thanks / Like

    Re: El Neolíticu na Peninsula Ibérica

    No creis que ya puestos no falta el foro de Euskara

  3. #3
    Johannes de León está desconectado Miembro graduado
    Fecha de ingreso
    04 mar, 05
    Ubicación
    Terra Benedicta
    Mensajes
    21
    Post Thanks / Like

    Re: El Neolíticu na Peninsula Ibérica

    Libros antiguos y de colección en IberLibro
    Cita Iniciado por Anxo Castelo
    No creis que ya puestos no falta el foro de Euskara
    Certamente será criado um assim que seja necessário, de momento penso que não temos um único membro proficiente em Euskara.

Información de tema

Usuarios viendo este tema

Actualmente hay 1 usuarios viendo este tema. (0 miembros y 1 visitantes)

Temas similares

  1. Mi serie poética : Recuerdos de la muerte y Amoríos
    Por Ordóñez en el foro Literatura
    Respuestas: 4
    Último mensaje: 29/09/2008, 22:33
  2. Andalucía y la Hispanidad
    Por Ordóñez en el foro Historia y Antropología
    Respuestas: 5
    Último mensaje: 17/03/2005, 17:43
  3. Tirant lo Blanch, obra insígnia de Joanot Martorell
    Por Lo ferrer en el foro Catalunya
    Respuestas: 0
    Último mensaje: 14/03/2005, 19:25

Permisos de publicación

  • No puedes crear nuevos temas
  • No puedes responder temas
  • No puedes subir archivos adjuntos
  • No puedes editar tus mensajes
  •